जापान । जापानका प्रधानमन्त्री योसिहिदो सुगाले पदबाट राजीनामा दिएका छन्। जापानको राजधानी टोकियोमा आज बिहान बसेको मन्त्रीपरिषदको बिशेष बैठकमा सुगाले राजीनामा दिएको बताएका हुन् ।
तत्कालीन प्रधानमन्त्री सिन्जो आबेले स्वास्थ्यको कारण देखाउदै अघिल्लो वर्ष राजीनामा दिएपछि सुगा नया प्रधानमन्त्रीमा निर्वाचित भएका थिए । कुल ३८४ दिन प्रधानमन्त्रीको पदभार सम्हालेर सुगाले राजीनामा दिएका हुन् ।
नया प्रधानमन्त्री चयनका लागि आजै दिउसो संसदको बिशेष अधिबेशन सुरु हुदैछ । गत महिनाको २९ तारिख सम्पन्न भएको सत्तारुढ दल लिबरल डेमोक्र्याटिक पार्टीको अधेबेशन बाट किसिदा फुमिओ नेतृत्वमा आएका छन् ।
आज हुने संसद्को बिशेष अधिबेशन बाट किसिदा फुमिओ जापानको १०० औँ प्रधानमन्त्री बन्दैछन । नया बन्ने प्रधानमन्त्रीले मन्त्रीहरुको नाम समेत टुङ्गाइसकेका छन् । किसिदा क्याबिनेटमा सुगा क्याबिनेटका २ मंत्री बाहेक अरु नया अनुहार प्रवेश गर्ने पक्कापक्की भैसकेको छ ।
