काठमाडौं । प्रधानमन्त्री शेरबहादुर देउवाले आजबाट भारतको भ्रमणमा जादै हुनुहुन्छ । बिगतमा जस्तो औपचारिक रुपमा बिदेश भ्रमणमा जाँदा प्रमुख प्रतिपक्षदल संग समेत पर्रामर्श गर्ने अभ्यास भएपनि यस पटक प्रधानमन्त्री देउवाले प्रमुख प्रतिपक्षीदल संग भ्रमणका बारेका कुनै परामर्श गर्नुभएन ।
जसका कारण एमाले प्रचार बिभाग उपप्रमुख बिष्णु रिजालले देउवाको यो भ्रमण निजी–पारिवारिक हो कि प्रमका हैसियतले भन्दै प्रश्न गर्नुभएको छ ।
उहाँले सामाजिक संञ्जालमा लेख्नु भएकोछ –प्रम शेरबहादुर देउवा आजबाट भारत भ्रमणमा जाने समाचार सार्वजनिक भएको छ । संवेदनशील र राष्ट्रिय सहमति हुनुपर्ने विषयमा मुलुकको सबभन्दा ठूलो र संसद्को प्रमुख प्रतिपक्षी दलसँग कुनै छलफल र सरोकार राख्नुभएको छैन।
स्वाभाविक प्रश्न छः देउवाको यो भ्रमण निजी–पारिवारिक हो कि प्रमका हैसियतले ?
