• १८ बैशाख २०८१, मंगलवार
  •      Tue Apr 30 2024
  •   Unicode
Logo
Latest
★   एमालेको विजय सभाबाट फर्किँदै गरेको पिकअप दुर्घटना, १९ जना घाइते ★   उपनिर्वाचनमा चटकेहरु साइडमा आए, ०८४ सालसम्म ठिक हुन्छन्ः सांसद खतिवडा ★   सप्तरीको चिम्टीमा भीषण आगलागी ★   राष्ट्रिय सूचना तथा सञ्चार प्रविधि दिवसको अवसरमा टेलिकमले ल्यायो नयाँ अफर ★   आर्थिक वृद्धिदर ३ दशमलव ५४ प्रतिशत अनुमान ★   डोल्पाका सबै सांसद मन्त्री ★   जापानमा आर्थिक वर्ष २०२३ मा रोजगारीको उपलब्धता घट्यो ★   टी–२० विश्वकपका लागि बटलरको कप्तानीमा इंग्ल्याण्डको टोली घोषणा ★   भारतीय पूर्व अलराउन्डरले दुखी हुँदै भने – रिंकु सिंहमाथि अन्याय भयो ★   उपनिर्वाचनको मत परिणामले राजनीतिक स्थायित्वका लागि दलहरु बलियो बन्नुपर्छ भन्ने संकेत गर्‍यो: मन्त्री गिरी

बक्सिङमा सेना र सशस्त्र च्याम्पियन



काठमाडौं, १३ पुस – प्रथम लुम्बिनी राष्ट्रिय च्याम्पियनसिपअन्तर्गत द ब्रिटिस कलेज २५ औं पुरुष तथा चौथो महिला राष्ट्रिय बक्सिङ प्रतियोगिताको पुरुषमा नेपाली सेना र महिलामा एपीएफ क्लब शनिबार टिम च्याम्पियन बनेका छन् ।
सेनाले समान ३–३ स्वर्ण, रजत र कांस्य जित्यो । ३ स्वर्ण, उत्तिकै रजत र २ कांस्य जितेको एपीएफ दोश्रो भयो भने २ स्वर्ण र ३ रजतसाथ प्रहरी तेश्रो स्थानमा रह्यो ।
महिलामा टिम च्याम्पियन बनेको एपीएफले ४ स्वर्ण हात पा¥यो । २ स्वर्णसाथ प्रहरी दोश्रो र सेना १ स्वर्णसाथ तेश्रो भए ।
राष्ट्रिय खेलकुद परिषद् (राखेप) को सहयोगमा नेपाल बक्सिङ संघद्वारा आयोजित प्रतियोगिताको पुरुषमा मध्यमाञ्चलका मनोहर बस्नेत र महिलामा एपीएफकी माला राई उत्कृष्ट खेलाडी घोषित भए । दुवैले १०–१० हजार नगद पुरस्कार पाए । उक्त पुरस्कार नेपाल भूपु बक्सिङ टिमले प्रायोजना गरेको हो ।
टंक बुढा मगर वर्षको उत्कृष्ट बक्सिङ प्रशिक्षक घोषित भए । उनलाई अमर ज्योति फाउन्डेसनले २५ हजार र एडिडासले १० हजार नगद पुरस्कार प्रदान गरे । उनले बक्सिङ किट्स पनि पाए । उत्कृष्ट निर्णायक चुनिएवापत दिनकलाल श्रेष्ठलाई एडिडासले १० हजार नगदबाट पुरस्कृत ग¥यो ।
त्रिपुरेश्वरस्थित राखेप कभर्ड हलमा भएको महिलाको ४८–५१ केजीमा सेनाकी मिनु गुरुङले एपीएफकी माया चौधरी तथा ५७–६० केजीमा एपीएफकी सरस्वती राणाले सेनाकी निरु गुरुङलाई पराजित गरी पहिलो भए ।
पुरुषको ४६–४९ केजीमा एपीएफका विक्रम परियारले प्रहरीका निरन्जन श्रेष्ठ, ४९–५२ केजीमा एपीएफका लक्षुमन तामाङले सेनाका प्रेम चौधरी, ५२–५६ केजीमा प्रहरीका दिनेश श्रेष्ठले सेनाका नरेश देवान, ५६–६० केजीमा एपीएफका पूर्णबहादुर लामाले पूर्वाञ्चलका विराज राई, ६०–६४ केजीमा सेनाका दीपक श्रेष्ठले प्ररहीका भूपेन्द्र थापा, ६४–६९ केजीमा प्रहरीका रत्नबहादुर तामाङले एपीएफका विकास लामा, ६९–७५ केजीमा सेनाका उजर सिंह थापाले मध्यमाञ्चलका सोभित खत्री, ७५–८१ केजीमा मध्यमाञ्चलका दीपक महर्जनले सेनाका दिपेश लामा, ८१–९१ केजीमा मध्यमाञ्चलका मनोहर बस्नेतले एपीएफका मीनप्रकाश जोरा तथा ९१ केजीमाथि सेनाका श्याम खड्काले एपीएफका महेश केसीलाई हराउदै स्वर्ण हात पारे ।
विजेतालाई राखेप सदस्य–सचिव युवराज लामालगायतले पुरस्कार प्रदान गरे । ५ दिने प्रतियोगितामा ५९ पुरुषले १० तथा २५ महिलाले ७ स्वर्णका लागि प्रतिस्पर्धा गरेका थिए ।