काठमाडौं – कलाकार हरिओम मेहताको लयात्मक अस्तित्व शीर्षकमा चौथो एकल चित्रकला प्रदर्शनी नेपाल कला परिषदमा बुधबार शुरु भएको छ ।
शताब्दी पुरुष एवं संस्कृतिविद् सत्यमोहन जोशीले उदघाटन गर्नुभएको उक्त प्रदर्शनी यही पुस १७ गतेसम्म चल्नेछ ।
प्रदर्शनीमा पुरातात्विक, सांस्कृतिक र राजनीतिक विषयवस्तु समेटिएका २० वटा चित्रकला राखिएका छन् ।
कला प्रदर्शनीको उदघाटनका अवसरमा संस्कृतिविद जोशीले नेपालको मध्य तथा पूर्वी तराई कलाकारिताका दृष्टिले अत्यन्त समृद्ध रहेको बताउनुभयो । कलाको माध्यमबाट धर्म, संस्कृति र सभ्यताको पहिचान देखिने चर्चा गर्दै सरकारले यी कलासंस्कृतिको जगेर्ना गर्न र खोजीनीति गर्न पहल गर्नुपर्ने खाँचो औंल्याउनुभयो ।
तराई मधेश राष्ट्रिय परिषदको आयोजनामा उक्त प्रदर्शनी भइरहेको छ ।
