कठमाडौँ । छहरा साहित्य प्रतिष्ठानको आयोजनामा आज टोखा क्षेत्रमा खुल्ला कवि गोष्ठी सम्पन्न भएको छ । द ह्वाइट माउन्टेन स्कूलमा आयोजित सो कवि गोष्ठीमा २४ जना कविहरुले आआफ्ना रचनाहरु वाचन गर्नु भएको थियो ।
छहरा साहित्य प्रतिष्ठानका अध्यक्ष योगेन्द्र तिमिल्सिनाको सभापतित्व तथा साहित्यकार रामबाबु सुवेदीको प्रमुख आतिथ्यतामा सम्पन्न सो कवि गोष्ठीमा कविहरु पुष्कर लोहनी, बमबहादुर थापा जिताली, तोया गौतम, डा. बासुदेव काफ्ले, प्रियम्वदा आचार्य, माधव विडारी लगायत कविहरुले आ–आफ्ना रचनाहरु वचन गर्नु भएको थियो ।
प्रस्तुत कविताहरुमा समसामयिक विषयवस्तु तथा राजनीतिक विकृति र विसंगति एवम् सामाजिक तथा प्राकृतिक विषयहरु उठान गरिएका थिए ।
कर्यक्रममा स्थानीय जनप्रतिनिधि, साहित्यानुरागी एवम् बुद्धिजीवीहरूको उल्लेखनीय सहभागिता रहेको थियो ।
