काठमाडौं । टी–ट्वान्टी अन्तर्राष्ट्रिय क्रिकेट सिरिजको पहिलो खेलमा यूएईले दिएको १५४ रनको लक्ष्य पछ्याउँदै ब्याटिङ गरेको नेपाललको छैठौं विकेट गुमाएको छ ।
नेपालले छेठौ विकेटको रुपमा करण केसीलाई गुमाएको हो । केसी सुल्तान अहम्दको बलमा उनैबाट आउट भए । यस अघि उपकप्तान ज्ञानेन्द्र मल्ललाई अहम्दले नै ७ रनमा आउट बनाएका थिए। मल्ल गुलाम सकवरको हातबाट क्याच भएका हुन् ।
प्रदीप ऐरी पहिलो बलमै आउट भए । ऐरीको विकेट मोहम्द नाभेदले लिएका हुन् । नेपालले तेस्रो विकेटको रुपमा दिपेन्द्र सिंह ऐरीलाई गुमाएको हो । दिपेन्द्रलाई अमिर ह्यातले सुल्तान अहमदको हातबाट क्याच गराएका हुन् ।
त्यस्तै, तेस्रो विकेटको रुपमा कप्तान पारस खड्कालाई गुमाएको हो । पारस२५ बलमा २५ रन बनाएर जाहोर खानको बलमा सुल्तान अहम्दको हातबाट क्याच भएका हुन् ।
यसअघि आईसीसी क्रिकेट एकेडेमीमा टस हारेर पहिले ब्याटिङ गरेको यूएईले निर्धारित २० ओभरमा ६ विकेटको क्षतिमा १५३ रन बनायो ।
यूएईका लागि शाइमन अनवारले उत्कृष्ट ब्याटिङ गरे । अनवारले ३८ बल चार चौका र दुई छक्काको मद्दतमा ५९ रन बनाए । सिपी रिज्डवान २२ , मोहम्मद नाबिद १, मोहमद उस्मानले ३० तथा आस्फाक अहमदले १ रनको योगदान दिए । मोहम्मद बुटाले अवजित २० रन बनाए ।
नेपालका लागि सन्दीप लामिछाने र बसन्त रेग्मीले समान दुई/दुई विकेट लिए । त्यस्तै, सोमपाल कामी र अभिनाश बोहोराले एक/एक विकेट लिए । करण केसी महंगो सावित भए । चार ओभर बलिङ गरेका उनले ४३ रन खर्चिए ।
