कास्की । नेपाली कांग्रेसको भातृसंगठन नेपाल विद्यार्थी संघले पोखरामा आफ्नै नेता गगन थापालाई कालो झन्डा देखाएका छन।
थापालाई नेपाल विद्यार्थी संघ कास्कीका जिल्ला सभापति बिकाश थापाको नेतृत्वमा आएका कार्यकर्ताहरुले कालो झन्डा देखाएका हुन् ।
चिकित्सा शिक्षा विधेयक जबर्जस्ती पास गरेपछि आन्दोलित बनेको नेपाल विद्यार्थी संघले शनिबार केन्द्रिय निर्देशन अनुसार सार्वजनिक गाडी चल्न नदिने कार्यक्रम थियो। सोही कार्यक्रम अन्तर्गत पोखरामा सरकारी गाडी चलेपछि नेपाल विद्यार्थी संघले गाडी माथी आगजनी गरेको थियो।
गगन थापाले आईतबार आफ्नो सामाजिक संजाल टुईटरमा नेविसंघले शनिबार गरेको गतिविधिको विरोध गर्दै ‘नेविसंघको नाममा केही ‘विद्यार्थी’ले सरकारी गाडी जलाएकोमा तपाईंको धारणा के हो, भनेर थुप्रै साथीहरूको प्रश्र रहेछ । किन्तु, परन्तु केही नलगाई मेरो उत्तर : त्यो कार्य गलत मात्र नभएर निन्दनीय छ । यस्तो कामलाई निरुत्सहित गर्न म डटेर लाग्नेछु ।’ भनेर लेखेका थिए ।
उक्त टुईटलाई लिएर नेपाल विद्यार्थी संघ गगन थापा माथि खनिएको हो । कास्कीमा सरकार विरुद्ध बृहत शक्ति तथा विरोध प्रदर्शन कार्यक्रमको सभालाई सम्बोधन गर्न गएका थापालाई कस्की नेविसंघले सभालाई सम्बोधन गर्दै गर्दा कालो झन्डा देखाएर थापा विरुद्ध प्रदर्शन गरेको आर आर क्याम्पसका सचिव तथा नेपाल विद्यार्थी संघका नेता अनुराग शाहले जानकारी दिए।
आगजनीको विषयमा गगन थापाले माफी माग्नु पर्ने नेपाल विद्यार्थी संघ कास्कीका जिल्ला सभापति विकास थापाले माग गरेका छन्।
यो पनि
