काठमाडौं । कम्युनिष्ट सरकार विरुद्ध प्रमुख प्रतिपक्ष दल नेपाली कांग्रेसले विरोध प्रर्दशन गरेको छ ।
सरकारविरुद्ध जिल्ला जिल्लामा सडक आन्दोलन गरेको कांग्रेसले सरकार चलाउन नसकेको भन्दै प्रधानमन्त्री केपी शर्मा ओलीको राजीनामा मागेको हो ।
कांग्रेसले राजधानीको शान्ति वाटिकामा प्रदर्शनमा ‘केपीको पाराले, दुख पाए साराले’ भन्दै महँगी र भ्रष्टाचार नियन्त्रण गर्न नसक्ने ओली सरकारले सत्तामा बसिरहनुको औचित्य नभएकाले तत्काल राजीनामा दिनु पर्ने माग गरेका छन् ।
उनीहरुले नेपाल वायुसेवा निगमको वाइड बडी प्रकरणको छानविनको समेत माग गरे । कांग्रेसले वाइडबडी प्रकरणको छानविनको मात्र माग गरेनन् प्रधानमन्त्री केपी ओलीको तस्वीरमाथी वाइडबडी विमानको पुत्ला नै बनाएर प्रर्दशन गरेका छन् ।
आज कांग्रेसले एकैसाथ ७७ जिल्लामा सडक आन्दोलन गरेको छ । सवैतिर प्रधानमन्त्री ओलीको पुत्ला दहन गरिनुका साथै सरकारबिरुद्ध चर्का नाराबाजी गरिएको छ ।
