काठमाडौँ । नेपाली काँग्रेसको भातृसंगठन नेपाल विद्यार्थी संघको शन्तिपूर्ण विरोध प्रर्दशनमा प्रहरीले हस्तक्षेप गरेर छ ।
सरकारले चिकित्सा शिक्षा विधेक जबर्जस्ति पारित गरेको र निर्मला पन्तका हत्यारालाई छ महिना हुदा पनि सार्वजनिक नगरेको भन्दै मीनभवन क्याम्पसका इकाई सभापति सरोज तिमल्सिनाको नेतृत्वमा भएको आन्दोलनमा प्रहरीले छ जना विद्यार्थी नेतालाई गिरफ्तार गरेको हो ।
नेपाल विद्यार्थी संघका नेता तथा आर आर क्याम्पसका सचिव अनुराग शाहका अनुसार गिरफ्तार पर्नेमा मीनभवन क्याम्पसका इकाई सभापति सरोज तिमल्सिना, स्ववियु परिषदका सभापति निराजन नेपाल, तपेन्द्र बुढा,सुनिल सोडाई, सुबाश अधिकारी, हृदय राज मिश्र रहेका छन्।
शाहका अनुसार गिरफ्तार भएका सबै नेताहरूलाई अहिले गौशला प्रहरी चौकिमा राखिएको छ।
नेपाल विद्यार्थी संघले सरकारले निर्मला पन्तको हत्यारालाई तत्काल सार्वजनिक नगरे र चिकित्सा शिक्षा विधेक खारेज नगरे आन्दोलन जारी राख्ने शाहले बताए।
