भद्रपुर । झापामा ग्याँस सिलिन्डर पड्केर आगालागी हुँदा एकै परिवारका ६ जना जलेर घाइते भएका छन् ।
कचनकवल गाउँपालिका वडा नम्बर ५ मा सोमबार बेलुका ७ बजे ग्याँस पड्किदा २८ वर्षीया भारतीकुमारी यादव, २९ वर्षीय शिवकुमार यादव, १९ वर्षीया चन्द्राकुमारी यादव, १८ वर्षीय रामप्रसाद यादव, ६ वर्षीया नियाकुमारी यादव र ५ वर्षीय आस्मक यादव घाइते भएका हुन् ।
घाइते सबैलाई ओम साई पाथिभरा हस्पिटल भद्रपुरमा राखिएको छ । घाइते मध्य भारतीकुमारी यादवको अवस्था गम्भीर रहेको अस्पतालले जनाएको छ । उनको आई सि यूमा उनको उपचार हुँदैछ ।
