काठमाडौं । नेपाली काङ्ग्रेसले पार्टीको केन्द्रीय कार्यसम्पादन समिति गठन सम्बन्धमा शीर्ष नेताबीच सङ्ख्यामा सहमति गरेका छन् । आज बिहान बूढानीलकण्ठस्थित सभापति शेरबहादुर देउवाको निवासमा बसेको पदाधिकारी बैठकमा कार्यसम्पादन समिति गठन सम्बन्धमा शीर्ष नेताबीच सङ्ख्यामा सहमति भएको हो ।
बैठकमा कार्यसम्पादन समितिको गठन सम्बन्धमा शीर्ष नेताबीच सङ्ख्यामा सहमति भएपनि नामका बारेमा सहमति हुन सकेको छैन् ।
काङ्ग्रेसको नयाँ विधानअनुसार कार्यसम्पादन समितिमा पदाधिकारीबाहेक ३१ सदस्य चयन हुने प्रावधान छ ।
यसअघि कार्यसम्पादन समितिमा देउवा र वरिष्ठ नेता रामचन्द्र पौडेल समूहले ६०/४० को भागवण्डा गरेपछि तेस्रो धारको नेतृत्व गरेका कृष्णप्रसाद सिटौला असन्तुष्ट भएपछि बैठकमा आएका थिएनन् ।
बैठकमा सभापति देउवा, वरिष्ठ नेता पौडेल, उपसभापतिद्वय विजयकुमार गच्छदार र निधि, महामन्त्री डा।शशाङ्क कोइराला, प्रवक्ता शर्मालगायत उपस्थित रहेका थिए ।
