इलाम, २८ वैशाख (रासस) : आफ्ना स्वर्गीय पतिको स्मृतिमा राससकी वरिष्ठ सम्पादक ललितपुरको भैँसेपाटी निवासी श्रीमती मोहिनी मिश्र रिसालले इलाममा एक सत्संग भवन निर्माण गर्नुहुने भएको छ । उक्त भवनको शिलान्याश शनिबार इलामको सन्दकपुरमा विशेष समारोहबीच सम्पन्न भएको छ । स्व श्रीमान्को सम्झनामा ललितपुर भैँसेपाटी निवासी मोहनी रिसालले यहाँस्थित सन्दकपुर गाउँपालिकाको सलुबुङमा सत्सङ्ग भवन निर्माण गर्नुहुने छ ।
स्व पति आनन्दगोपाल रिसालको सम्झनामा मोहनीले निर्माण गर्ने भवनको आज एक कार्यक्रमकाबीच शिलन्यास गरिएको छ । सुलुबुङको नर्मदेश्वर शिवालय मन्दिर तथा नर्मदेश्वर गुरुकूलमा निर्माण गरिने भवनको शिलान्यास स्व रिसालकी श्रीमती मोहिनी र छोरा अमोघले गर्नुभयो । उक्त भवन एक वर्षमा सकिने गरी निर्माण गरिने मन्दिर सञ्चालक समितिले जनाएको छ ।
श्रमिान् आनन्दको ०७४ असोज २८ गते हृदयघातका कारण श्रीमान्को मृत्यु भएको थियो । श्रीमती मोहनीले भवन निर्माणका लागि आवश्यकपर्ने सबै रकम आफँैले व्यहोर्ने गरी भवन निर्माण गर्न लागेको जनाउनुभयो । “स्व पति र सम्पूर्ण पितृको सम्झनामा यो सत्सङ्ग भवन निर्माण गर्न लागेको हुँ”, मोहनीले भन्नुभयो, “यसका लागि लागेको सबै खर्च म आफैँ व्यहोर्छु ।” रु १२ लाखमा निर्माण हुने सत्सङ्ग भवनमा निर्माणपछि भजन, किर्तन तथा पढनपाठनका लागि उपयोगमा आउनेछ । मोहिनी हाल राष्ट्रिय समाचार समिति(रासस)को वरिष्ठ सम्पादक पदमा कार्यरत हुनुहुन्छ ।
