काठमाडौं । नेपाली कांग्रेसको १४औँ महाधिवेशनमा संस्थापन समूहले सभापतिमा शेरबहादुर देउवालाई नै उम्मेदबार बनाउने निर्णय गरेको छ । देउवा निवास बुढालिनकण्ठमा बसेको बैठकले सभापतिमा देउवालाई नै उम्मेदबार बनाउने निर्णय गरेको हो ।
बैठक पछि कांग्रेसका सहमहामन्त्री डा.प्रकाशशरण महतले भन्नुभयो 'देउवाकै नेतृत्वमा पार्टी जानुपर्छ र उहाकै नेतृत्वमा आम निवार्चनमा पार्टीलाई सफलता मिल्छ भन्ने धारण सबैले राख्नुभएको छ ।' डा. महतले भन्नुभयो 'उहाँमा भिन्नमत भएका व्यक्तिहरुलाई पनि जोड्न सक्ने क्षमता छ , उनलाई नै सभापति बनाउनु पर्नै सबै सदस्यहरुको राय आएको छ ।'
सभापतिको बारेमा निर्णय भएपनि बैठकले अन्य पदाधिकारीहरुको बारेमा भने कुनै निर्णय गरेको छैन । पदाधिकारीहरुका बारेमा देउवाले आफूनिकट नेताहरुसंग परामर्स गरिरहनु भएको छ ।