काठमाडौं । नेकपा एमालेका अध्यक्ष केपी शर्मा ओलीले सरकारमा रहेका गठबन्धनका साना दलहरुको कांग्रेसको समर्थन नरहे भविष्य नरहेको बताएका छन् ।
नेपाली कांग्रेसको १४ औं महाधिवेशनको उद्घाटन सत्रलाई सम्बोधन गर्दै उनले सो कुरा बताएका हुन् ।
‘ केही साना दलहरुलाई कांग्रेसले औंला समाउन दिएन भने के होला भन्ने पिर छ ।’ उनले भने, ‘सँधै सुन्छु सँगै जानुपर्छ– सँगै जानुपर्छ भनेको सरकारमा मात्रै होकी देश बनाउन सँगै जाने हो ? ‘सँधै सुन्छु सँगै जानुपर्छ– सँगै जानुपर्छ भनेको सरकारमा मात्रै होकी देश बनाउन सँगै जाने हो ?’ देश बनाउने कुरामा एमाले कांग्रेससँगै छ । हामी सरकारमा छैनौं, प्रतिपक्ष भनेको संसदको अंग होइन ? हामी साथमा छैनौं लोकतन्त्रको साथमा ?’
