काठमाडौं । सञ्चार तथा सूचना प्रविधिमन्त्री गोकुलप्रसाद बाँस्कोटाले नेत्रविक्रम चन्द (विप्लव) फाँसीवादको बाटोमा लागेको आरोप लगाएका छन् ।
सञ्चार मन्त्रालयमा बिहीबारको नियमित पत्रकार सम्मेलनमा उनले जुनसुकै वाद/विचार भए पनि विप्लवका गतिविधि राजनीतिक नभएर फासीवादी भएको टिप्पणी गरे ।
‘मूल प्रश्न हत्या हिंसाको राजनीति गलत हो, विप्लवले लिएको बाटो गलत छ,’ प्रहरीले पछिल्ला दिनमा विप्लवका नेता कार्यकर्तामाथि गरिरहेको इन्काउन्टरबारे सञ्चारकर्मीको प्रश्नमा उनले भने, ‘देशलाई अनन्त द्वन्द्वमा फसाउने र गरिब बनाइराख्ने कामअन्तर्गत विप्लवका गतिविधि भइरहेका छन् । सरकारले नियन्त्रण गर्छ ।’