लमजुङ । मर्स्याङदी गाउँपालिका ३ खुदीबजारबाट प्रहरीले ३३ किलो अवैध लोपोन्मुख एवं बहुमुल्य जडिबुटी निरमसीसहित २ जनालाई पक्राउ गरेको छ ।प्रकाउ पर्नेमा गोरखाको सुलिकोट गाउँपालिका १ बारपाकका ४८ वर्षीय पूर्णबहादुर गुरुङ र ३७ वर्षीय छमबहादुर गुरुङ रहेका छन् ।
उनीहरुलाई बुधबार साँझ ६ बजेतिर पक्राउ गरेको डीएसपी रविन्द्रमान गुरुङले बताए। शंका लागेर चेकजाँच गर्दा भेटिएको निरमसी जोख्दा पूर्णबहादुरले बोकोको झोलामा ११ किलो र छमबहादुरले बोकेको झोलामा २२ किलो निरमसी फेला परेको उनले बताए।
मर्स्याङदी गाउँपालिका १ र २ को घनपोखराको लेकमा संकलन गरी ल्याएको उनीहरुले सोधपुछमा बताएको प्रहरीले जनाएको छ।
