काठमाडौं । राष्ट्रपति रामचन्द्र पौडेलसँग राष्ट्रियसभा अध्यक्ष नारायणप्रसाद दाहालले शिष्टाचार भेट गर्नुभएको छ।
बुधबार राष्ट्रपति भवन शीतल निवासमा भएको भेटवार्ताका क्रममा अध्यक्ष दाहालले मुलुकको समसामयिक राजनीतिक परिस्थिति तथा राष्ट्रियसभाका संसदीय गतिविधिबारे राष्ट्रपति पौडेललाई जानकारी गराउनुभएको राष्ट्रपतिको सचिवालयले जनाएको छ।
राष्ट्रपति कार्यालयका अनुसार भेटका क्रममा वर्तमान राजनीतिक अवस्था, संसद्को गतिविधि तथा समसामयिक विषयमा छलफल भएको थियो। भेट औपचारिक शिष्टाचारका साथै पछिल्लो राजनीतिक र संसदीय अवस्थाबारे जानकारी आदान–प्रदानमा केन्द्रित रहेको जनाइएको छ।
