काठमाडौं । चितवनको भरतपुरमा जारी राष्ट्रिय स्वतन्त्र पार्टी (रास्वपा) को बन्द सत्र आजबाट औपचारिक रूपमा सुरु भएको छ।
बन्द सत्र हिजो नै सुरु गर्ने कार्यतालिका रहे पनि प्राविधिक कारण देखाउँदै कार्यक्रम आजसम्मका लागि सारिएको थियो।
बन्द सत्रमा पार्टी सभापति रवि लामिछानेसहित शीर्ष नेताहरूको उपस्थिति रहेको छ।
महाधिवेशनसँग सम्बन्धित विभिन्न प्रस्ताव, सांगठनिक विषय तथा भावी कार्यदिशाबारे बन्द सत्रमा छलफल हुने जनाइएको छ।
यद्यपि, वरिष्ठ नेता बालेन शाह भने बन्द सत्रमा उपस्थित भएका छैनन्। उनको अनुपस्थितिको कारणबारे पार्टीले औपचारिक जानकारी दिएको छैन।
