काठमाडौं । सत्तारुढ नेपाल कम्युनिष्ट पार्टी (नेकपा) र प्रमुख प्रतिपक्ष नेपाली कांग्रेसका नेताहरुबीच छलफल भएको छ। सोमबार बिहान प्रधानमन्त्री निवास बालुवाटारमा नेकपा र कांग्रेसका नेताहरुबीच छलफल भएको हो।
सत्यनिरूपण तथा मेलमिलाप आयोग, बेपत्ता छानबिन आयोगमा नियुक्ति लगायतका बिषयमा प्रधानमन्त्री केपी शर्मा ओली, अर्का अध्यक्ष पुष्पकमल दाहाल र मुख्य बिपक्षी दल नेपाली कांग्रेसका सभापति शेरबहादुर देउवा,मीनेन्द्र रिजाल र रमेश लेखकबीच दुई आयोगमा गरिने नियुक्ति तथा समसामयिक राजनीतिबारे छलफल भएको बताइएको छ।
शीर्ष नेतात्रयको भेटमा द्वन्द्वकालीन मुद्दाहरूलाई छिटो टुंग्याउने विषयमा छलफल भएको कुराकानी नेता रिजालले बताए। बैठकमा ठोस कुनै निर्णय नभए पछि आयोग गठनबारे नेताहरुबीच पुनः छलफल गरेपछि अघि बढ्नेबारे कुरा भएको पनि रिजालले जानकारी दिए।
