बैतडी। बैतडीको शाहीलेक क्षेत्रमा शुक्रबार साँझ यात्रुवाहक बस दुर्घटना हुँदा एक जनाको मृत्यु भएको छ भने १० जना घाइते भएका छन् ।
धनगढीबाट बैतडीतर्फ जाँदै गरेको सुप प्र ०१–००१ ख ३६४६ नम्बरको बस शुक्रबार साँझ जिल्लाको दशरथचन्द नगरपालिका–४ शाहिलेक नजिक दुर्घटनामा परेको हो।
प्रहरीका अनुसार साँझ करिब पौने ६ बजे भएको दुर्घटनामा घाइते भएका १० जनाको उद्धार गरी उपचारका लागि जिल्ला अस्पताल बैतडी पठाइएको छ। दुर्घटनाग्रस्त बस सडकबाट करिब ३० मिटर तल खसेको बताइएको छ।
जिल्ला प्रहरी कार्यालय बैतडीले बस चालकलाई नियन्त्रणमा लिएर घटनाबारे अनुसन्धान सुरु गरेको जनाएको छ। दुर्घटनाको कारण भने अहिलेसम्म खुल्न सकेको छैन।
प्रहरीले दुर्घटनाबारे थप विवरण संकलन भइरहेको जनाएको छ।
