काठमाडाैँ । संघीय संसद, प्रतिनिधि सभा अन्तर्गतको राज्य व्यवस्था तथा सुशासन समितिको बैठक बस्ने भएको छ। समितिको बैठक जेठ २८ गते बिहीबार बिहान ८ः३० बजे सिंहदरबारस्थित समितिको सभाकक्षमा बस्ने तय भएको छ।
समितिले जारी गरेको सूचनाअनुसार बैठकमा अघिल्ला बैठकका निर्णयहरूको कार्यान्वयन प्रगति सम्बन्धमा जानकारी लिने कार्यक्रम रहेको छ। साथै, लागुऔषध नियन्त्रण ब्यूरोको चालु आर्थिक वर्ष २०८२र८३ को हालसम्मको कार्यप्रगति तथा आगामी कार्ययोजनाबारे पनि छलफल हुने जनाइएको छ।
त्यसैगरी, समितिको कार्यसम्पादनलाई प्रभावकारी बनाउन विभिन्न उपसमितिहरू गठन गर्ने विषय पनि कार्यसूचीमा समावेश गरिएको छ। जसअन्तर्गत समितिको बैठक सञ्चालन कार्यविधि तयारी, समितिमा परेका उजुरीहरूको अध्ययन तथा समितिको कार्यक्षेत्रभित्र पर्ने मन्त्रालय र निकायहरूको कामकारबाही अध्ययन तथा निगरानीका लागि उपसमिति गठन गरिनेछ।
यस्तै, समितिको कार्यक्षेत्रमा पर्ने विभिन्न निकायहरूको स्थलगत अनुगमन गर्ने विषयमा पनि बैठकमा छलफल हुने जनाइएको छ। बैठकमा विविध विषयमा समेत छलफल हुने समितिले जनाएको छ।
