काठमाडौँ । महावीर पुन विज्ञान प्रविधि तथा नवप्रवर्तन मन्त्री बन्ने भएका छन् । प्रधानमन्त्री बालेनले मंगबार पुनलाई मन्त्री नियुक्त गरेका छन् ।
स्रोतका अनुसार उनले पूर्वगृहमन्त्री सुदन गुरुङसँगै शपथ ग्रहण गर्ने कार्यक्रम रहेको छ।
यसअघि पुनले सुशीला कार्की नेतृत्वको चुनावी सरकारमा शिक्षा, विज्ञान तथा प्रविधिमन्त्रीका रूपमा काम गरिसकेका थिए। पछि उनले मन्त्री पदबाट राजीनामा दिँदै २१ फागुनमा भएको निर्वाचनमा म्याग्दीबाट स्वतन्त्र उम्मेदवारी दिएका थिए।
सरकारले हालै विज्ञान, प्रविधि र नवप्रवर्तनलाई विशेष प्राथमिकतामा राख्दै ३० वैशाखमा छुट्टै मन्त्रालय स्थापना गर्ने निर्णय गरेको थियो।
