काठमाडौं । नेपाली कांग्रेस केन्द्रीय अनुशासन समितिको बैठक यही जेठ २१ गते बिहीबार बस्ने भएको छ।
समितिको बैठक दिउँसो १ बजे पार्टीको केन्द्रीय कार्यालय बी.पी. स्मृति भवन, बी.पी. नगर, ललितपुरमा बस्ने तय गरिएको छ।
बैठकमा समितिका सदस्यहरूको उपस्थितिका लागि सचिव दिनेश थापामगरले अनुरोध गरेका छन्।
समितिले नियमित कार्यसूची तथा अनुशासनसम्बन्धी विषयमा छलफल गर्ने अपेक्षा गरिएको छ।
