काठमाडौं । नेपाल विद्यार्थी संघले भारतले जारी गरेको नयाँ राजनीतिक नक्साको विरोधमा बुधबार पनि प्रदर्शन गरेको छ। नेविसंघले भारतीय हस्तक्षेपविरूद्ध बालाजुमा प्रदर्शन गरेको हो ।
नेविसंघका पूर्वकेन्द्रीय सदस्य सुशील भट्टले नेपाल सरकारलाई छिटो भारतसँग वार्ता गरी अतिक्रमित भूमि फिर्ता ल्याउन र नक्सा सच्याउन दबाब दिन प्रदर्शन गरिएको जानकारी दिए। भारतले भने नक्सामा नेपालका लिपुलेक, कालापनीलगायत भूमि समावेश नगरिएको दाबी गरेको छ। तर नेपालमा भारतले जारी गरेको नक्साविरूद्ध दिनहुँ प्रदर्शन भइरहेको छ।
