काठमाडौं । ठगीको आरोपमा पक्राउ परेका डा. रुप ज्योतिको मुद्दा जाहेरी कर्ताले नै मुद्दा फिर्ताका लगि प्रहरीमा निवेदन दिएका छन् । ब्यवसायी ज्योतिबिरुद्ध उजुरी दिने विगेन्द्रकृष्ण मल्लले मुद्दा फिर्ताका लगि प्रहरीमा निवेदन दिएका छन् ।
आफुलाई रुप ज्योति र उनकी छोरी सुरुचिले ठगी गरेको भन्दै दुई साताअघि मल्लले प्रहरीमा उजुरी दिएका थिए । मल्लको उजुरीलाई आधार मानेर प्रहरीले विदेशबाट फर्किदै गरेका रुप ज्योतिलाई विमानस्थलबाटै नियन्त्रणमा लिएका थिए । प्रहरी हिरासतमा रहेका रुप ज्योतिको दुई पटक अदालतबाट म्याद थप पनि भइसकेको छ ।
प्रहरीले रुप ज्योति र उनकी छोरीको ठगी अभियोग सरकारी वकिलको कार्यालयमा पाठाएपनि सरकारी वकिलको कार्यालयले मुद्दा चलाउँछ या चलाउँदैन त्यो भने अहिले नै एकिन भइसकेको छैन । सरकारी वकिलको कार्यालयले मुद्दा अदालतमा लिने तयारी भने गरिरहेको छ ।
बाँसबारीस्थित जग्गा प्लटिङ किनबेचमा ठगी गरेको भन्दै उनीबिरुद्ध उजुरी परेको थियो