काठमाडौं । संघीय संसद, अर्थ समितिको बैठक बिहीबार पनि स्थगित भएको छ। कोरम नपुगेपछि अर्थ समितिको बैठक स्थगित भएको हो ।
बिहीबार बिहान ११ बजेका लागि सिंहदरबरमा बोलाइएको बैठकमा समितिका सभापति कृष्णप्रसाद दाहाल तथा सदस्यहरू ज्ञानेन्द्रबहादुर कार्की, घनश्याम भुसाल, रामकुमार झाँक्री लगायतका उपस्थित भएपनि गणपुरक संख्या नपुगेपछि बैठक स्थगित गरिएको हो।
समितिको यसअघि कात्तिक १९ गते बोलाइएको बैठकमा पनि कोरम नपुगेकै कारण स्थगित गरिएको थियो।
बैठकमा ‘नागरिक लगानी कोष ऐन, २०४७ लाई संशोधन गर्न बनेको विधेयक’ माथि छलफल गर्ने कार्यसूची तय गरिएको थियो।
