दोलखा । दोलखाबाट काठमाडौं जाँदै गरेको बस दुर्घटना हुँदा एक जनाको मृत्यु भएको छ । उकालोमा रोकिराखेको बा३ख२९९७ नम्बरको गौरिशंखर बस पल्टिँदा ७० वर्षीय कुमारी तामाङको मृत्यु भएको हो।
बुधबार दिउँसो साढे १२ बजे दोलखाको चरिकोटबाट काठमाडौंका जाँदै गरेको बसभिमेश्वर नगरपालिका ८ दोलखामा दुर्घटना भएको हो ।
प्रहरीका अनुसार उकालोमा रोकेको बस ब्याक भइ पल्टिँदा च्यापिएर उनको मृत्यु भएको छ भने ६ महिनाको बालक र आमा झर्दै गर्दा सामान्य घाइते भएका छन्। उनीहरुको उपचारका लागि चरिकोट प्राथमिक स्वास्थ्य केन्द्रमा पठाइएको प्रहरीले जनाएको छ।
बसलाई सडकबाट हटाउन डोजरको प्रयोग गरिएको छ, भने थप विवरण आउन बाँकी रहेको प्रहरीले बताएको छ।
