काठमाडौँ। नेपाली कांग्रेसका सभापति गगनकुमार थापालाई सम्मान गरिएको छ ।
नेपाल लोकतान्त्रिक होटल व्यवसायी सङ्घले पार्टीको दोस्रो विशेष महाधिवेशनबाट सभापति निर्वाचित हुनुभएकामा थापालाई खादा र प्रमाणपत्रद्वारा आज सम्मान गरेको हो ।
सङ्घका केन्द्रीय अध्यक्ष लिलाप्रसाद ढकालसहित सङ्घका पदाधिकारी तथा सदस्यहरुको टोलीले लोकतन्त्र, सुशासन, सामाजिक न्याय, समृद्ध नेपालको दृढ सङ्कल्पसहित अघि बढेर नेतृत्वदायी भूमिका खेलेको भन्दै सभापति थापालाई सम्मान गर्नुभएको हो ।
सङ्घले होटल, पर्यटन र व्यवसायी क्षेत्रको संरक्षणमा नेपाली कांग्रेसले खेलेको भूमिकाको उच्च प्रशंसा गर्दै आगामी दिनमा व्यवसाय क्षेत्रको सुदृढीकरणमा कांग्रेसले सकारात्मक भूमिका खेल्ने विश्वास व्यक्त गरेको छ । रासस
