काठमाडौं — नेपाल प्रहरीको काठमाडौं उपत्यका अपराध अनुसन्धान कार्यालय, टेकुले वैदेशिक रोजगारीका नाममा ७० लाख ८० हजार ठगी गर्ने चार जनालाई पक्राउ गरेको छ।
कार्यालयले जारी गरेको प्रेस विज्ञप्तिअनुसार आकर्षक तलबको प्रलोभनमा बेरोजगार युवायुवतीलाई विभिन्न देश पठाइदिने भन्दै लामो समयसम्म झुक्याएर सम्पर्कविहीन हुने गिरोहका सदस्यहरूलाई काठमाडौं उपत्यकाका विभिन्न स्थानबाट पक्राउ गरिएको हो।
पक्राउ परेकालाई थप अनुसन्धान तथा आवश्यक कारबाहीका लागि वैदेशिक रोजगार विभाग, ताहाचल पठाइएको छ।
पक्राउ पर्नेहरू:
रिजेन नगरकोटी (२८ वर्ष) — ललितपुर गोदावरी नगरपालिका–६ निवासी। न्यूजिल्याण्ड पठाइदिने भन्दै रु. १६ लाख ३० हजार ठगी गरेको आरोप।
मनोज़ चौधरी (२८ वर्ष) — दाङ निवासी, हाल काठमाडौं बसोबास। रोमानिया पठाउने भन्दै रु. ३ लाख ५० हजार असुलेको आरोप।
कमल पौडेल (३६ वर्ष) — दाङ चौधरी गाउँपालिका–१० निवासी, हाल काठमाडौं। अमेरिका पठाउने भन्दै रु. २ लाख ठगी गरेको आरोप।
वीर बहादुर खड्का (५८ वर्ष) — बर्दिया निवासी, हाल काठमाडौं। क्यानडा पठाउने भन्दै रु. २९ लाख असुलेको आरोप।
आशुतोष साह (२५ वर्ष) – महोत्तरी निवासी । युके पठाउने भन्दै रु. २० लाख ठगी
प्रहरीका अनुसार उनीहरूले पीडितहरूलाई वैदेशिक रोजगारीका लागि पठाइदिने भन्दै ठूलो रकम असुलेर सम्पर्कविहीन हुने गरेका थिए। पक्राउ परेकामाथि ठगीसम्बन्धी कसुरमा थप अनुसन्धान भइरहेको छ।
प्रहरीले यस्ता प्रलोभनमा नपर्न र वैदेशिक रोजगारीका लागि आधिकारिक माध्यम मात्र प्रयोग गर्न सर्वसाधारणलाई आग्रह गरेको छ।
