काठमाडौँ। टी–२० विश्वकपको छैटौँ सुपर–८ खेलमा न्युजिल्यान्डले श्रीलङ्कासामु जितका लागि १६९ रनको चुनौतीपूर्ण लक्ष्य प्रस्तुत गरेको छ।
आर प्रेमादासा रंगशालामा टस हारेर पहिलो ब्याटिङ गरेको न्यूजिलयाण्डले निर्धारित २० ओभरमा ७ विकेट गुमाउँदै १६८ रन बनायो ।
न्यूजिल्याण्डका लागि कप्तान मिचेल सेन्टनरले सर्वाधिक ४७ रन बनाए । २६ बलको सामना गरेका उनले २ चौका र ४ छक्का प्रहार गरे । यस्तै रचिन रविन्द्रले ३२, कोल म्याकोन्चीले ३१, फिन एलनले २३ रन बनाए ।
श्रीलंकाका महेश थेक्षाना र दुष्मन्थ चमेराले तीन तीन विकेट लिए ।
