काठमाडाैँ । दक्षिण कोरियाका पूर्व राष्ट्रपति युन सुक–योलले आफूमाथि लगाइएको जीवन कारावासको सजायविरुद्ध उच्च अदालतमा अपील दर्ता गर्नुभएको छ। यो अपील विद्रोहसम्बन्धी मुद्दासँग सम्बन्धित छ।
यो मुद्दा उनले २०२४ डिसेम्बर ३ मा घोषणा गर्नुभएको आपतकालीन मार्शल लसँग जोडिएको हो। योनहाप समाचार एजेन्सीका अनुसार, युनको कानूनी टोलीले फेब्रुअरी २४, २०२६ मा सियोल सेन्ट्रल डिस्ट्रिक्ट कोर्टमा अपील दर्ता गरेको छ। उक्त अदालतले फेब्रुअरी १९, २०२६ मा युनलाई विद्रोहको मुख्य नाइके भएको आरोपमा दोषी ठहर गर्दै जीवन कारावासको सजाय सुनाएको थियो।
दक्षिण कोरियाको कानूनअनुसार विद्रोहको मुख्य नाइके दोषी ठहर भएमा मृत्युदण्ड वा जीवन कारावास मात्र सजाय हुनसक्छ। युनमाथि आरोप थियो कि उनले असंवैधानिक रूपमा आपतकालीन मार्शल ल घोषणा गर्नुभएको, राष्ट्रिय सभाको मार्शल ल हटाउने प्रस्ताव रोक्न सेना र प्रहरी परिचालन गरेकाे र प्रमुख राजनीतिक व्यक्तित्वहरूलाई ९जस्तै मुख्य दलका नेता र संसद् सभामुख० हिरासतमा राख्ने प्रयास गरेका थिए ।
मार्शल ल घोषणा भएको रातमै राष्ट्रिय सभाले केही घण्टाभित्रै त्यसलाई खारेज गरेको थियो। यसपछि संवैधानिक अदालतले अप्रिल २०२५ मा युनको महाअभियोग स्वीकृत गर्दै उनलाई पदबाट हटाएको थियो।
युनको बचाउ टोलीले फैसलामा तथ्यगत त्रुटि र कानूनी व्याख्यामा गल्ती भएको दाबी गर्दै अपील दर्ता गरेको जनाएको छ। यो मुद्दाको सुनुवाइ अब उच्च अदालतमा हुनेछ।
