काठमाडौं । चालू आर्थिक वर्ष ०८२/८३ को पाँच महिनामा रेमिट्यान्स आप्रवाह ३५.६ प्रतिशतले वृद्धि भएको छ ।
यससँगै रेमिट्यान्स ८ खर्ब ७० अर्ब ३१ करोड पुगेको छ । मङ्सिर महिनामा मात्रै रेमिट्यान्स आप्रवाह एक खर्ब ८३ अर्ब १८ करोड रुपैयाँ पुगेको नेपाल राष्ट्र बैंकले जनाएको छ।
अघिल्लो वर्षको सोही अवधिमा रेमिट्यान्स आप्रवाहमा ४.७ प्रतिशतको वृद्धि भएको थियो भने मङ्सिर महिनामा रेमिट्यान्स एक खर्ब १८ अर्ब ७९ करोड रुपैयाँ पुगेको थियो ।
यस्तै, यस अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको सङ्ख्या एक लाख ७५ हजार ५९१ र पुनः श्रम स्वीकृति लिनेको सङ्ख्या एक लाख ६३ हजार ९२४ पुगेको छ ।
अघिल्लो वर्षको सोही अवधिमा एक लाख ९० हजार ३८४ ले नयाँ श्रम स्वीकृति लिएका थिए भने एक लाख ३५ हजार ४२५ जनाले पुनःस्वीकृति लिएका थिए ।
