काठमाडौं । कतार सरकारले नेपालीसहित १४ मुलुका नागरिकहरुलाई अस्थायी प्रतिवन्ध लगाएपछि नेपाल सरकारले कतारको लागि श्रम स्वीकृति बन्द गरेको छ । कतार सरकारको निर्णय अनुसार कामदारलाई श्रम स्वीकृति दिन बन्द गरिएको हो ।
वैदेशिक रोजगार विभागका महानिर्देशक कुमार दाहालका अनुसार फागुन १६ देखि फागुन २६ गतेसम्म विभागबाट कतार जानका लागि ३ हजार ६ सय ५ जनाले अन्तिम श्रम स्वीकृति लिएका थिए । श्रम स्वीकृति लिएका मध्ये करिब ३ हजार नेपाली कामदार कतार जान रोकिएको अनुमान छ ।
गत ५८ दिनमा विभागले १ लाख १७ हजार ६३३ जनालाई विदशे जान अनुमति दिएको थियो ।