काठमाडौं। नेपाल धितोपत्र बोर्डले ‘प्री–आईपीओ’ नाममा भइरहेको अवैध सेयर बिक्री र रकम संकलन तुरुन्त रोक्न निर्देशन दिएको छ।
बोर्डले सोमबार जारी गरेको सूचनामा भनिएको छ कि सार्वजनिक निष्कासन प्रक्रियामा नपुगेका कम्पनीहरूले भविष्यमा आईपीओ आउने भनी लगानीकर्तालाई आकर्षित गर्न खोज्दै अनधिकृत रूपमा रकम संकलन गरिरहेको पाइएको छ।
सोशल मिडिया, व्हाट्सएप, भाइबर, फेसबुक समूह, इमेल र एसएमएसमार्फत ‘प्री–आईपीओ’ सेयर खरिदको प्रस्ताव गरिएको गुनासो बोर्डमा आएका छन्। बोर्डले प्रचलित कानुन अनुसार यस्तो व्यवस्था नभएको स्पष्ट पारेको छ।
धितोपत्र ऐन, २०६३ को दफा २९ अनुसार, ५० जनाभन्दा बढीलाई सेयर बिक्री गर्दा मात्र सार्वजनिक निष्कासन अनुमति आवश्यक पर्छ। बोर्डले अनुमति विना यस्तो कार्य नगर्न चेतावनी दिएको छ र अवैध कारोबारमा संलग्न भए कारबाही हुने जानकारी दिएको छ।
