एजेन्सी । गत शुक्रबारबाट प्रदर्शनमा आएको फिल्म ‘द कश्मीर फाइल्स’ यतिबेला चर्चामा छ ।
‘द कश्मीर फाइल्स’ सिनेमा घरमा रिलिज हुनुअघि नै धेरै विवादहरूले घेरिएकोले लामो समयदेखि चर्चाको विषय बनेको थियो । रिलिज भएदेखि नै फिल्मले दैनिक रुपमा अपेक्षाभन्दा राम्रो व्यापार गरिरहेको छ । यसै क्रममा चलचित्रले आइतबार पनि बक्स कलेक्सनमा नयाँ स्थान हासिल गरेको छ ।
आइतबारको कलेक्सन हेर्दा विवेक रञ्जन अग्निहोत्रीको यो फिल्मले छुट्टीको पूरा फाइदा उठाएको छ । फिल्मले आइतबार करिब १४ करोड कमाएको छ, जुन आफैमा कीर्तिमान समेत हो ।
आइतबारको कमाईपछि ‘द कश्मीर फाइल्स’ कोरोना अवधिको पहिलो ब्लकबस्टर फिल्म बनेको छ । १४ करोडको लागतमा बनेको फिल्मले पहिलो दिन अर्थात शुक्रबार ३.२५ करोड कमाएको थियो । त्यस्तै, शनिबार आफ्नो कमाई शतप्रतिशत बढाउँदै ८.२५ करोड कलेक्सन गर्यो ।
विवेक अग्निहोत्रीले निर्देशन गरेको यस फिल्ममा मिथुन चक्रवर्ती, अनुपम खेर, दर्शन कुमार, पल्लवी जोशीलगायतको अभिनय रहेको छ । फिल्मले कश्मीरी पण्डितमाथि हुने अत्याचारको कथालाई चित्रण गरेको छ ।
