काठमाडौँ । संघीय संसदअन्तर्गत प्रतिनिधिसभाको साउन मसान्तसम्मको क्यालेन्डर तय भएको छ ।
सभामुख देवराज घिमिरेको आह्वानमा बसेको कानुन न्याय तथा संसदीय मामिला मन्त्री अजय चौरासिया र प्रमुख दलका प्रमुख सचेतकहरूको बैठकको सहमतिअनुरूप कार्यव्यवस्था परामर्श समितिले क्यालेन्डर तय गरेको हो ।
‘पाक्षिक सम्भावित कार्यतालिका’ अनुसार साउन महिनामा प्रतिनिधिसभा बैठक सोमबारसहित ६ दिन बस्नेछ । क्यालेन्डरअनुसार साउनमा १९, २०, २१, २७, २८ र २९ गते बैठक बस्नेछ ।
