काठमाडौँ । प्रधानमन्त्री शेरबहादुर देउवाले भाग लिने भनिएको भाइब्रेन्ट गुजरात समिट २०२२ स्थगित भएको छ । सो समिटमा भाग लिन प्रधानमन्त्री देउवाले भारत भ्रमण गर्ने मन्त्रिपरिषद्को बैठकले निर्णय गरेको थियो । अब उहाँको भ्रमण अनिश्चित भएको छ ।
भारतमा ओमिक्रोनको बढ्दो खतरा र कोरोना सङ्क्रमणको अनियन्त्रित गतिलाई ध्यानमा राख्दै भाइब्रेन्ट गुजरात सम्मेलन २०२२ स्थगित गरिएको हो ।
भारतीय प्रधानमन्त्री नरेन्द्र मोदीले सम्मेलनको उद्घाटन यही जनवरी १० मा गुजरातको गान्धीनगरमा गर्ने कार्यक्रम थियो । जनवरी १० देखि १२ सम्म हुने समिट कोभिड–१९ का कारण तत्कालका लागि स्थगित गरिएको छ ।
