एजेन्सी । बहराइनका राजा हमद बिन इसा अल खलिफाले बुधवार बेरुतमा स्थायी बहराइन कुटनीतिक नियोग खोल्ने घोषणा गर्नुभएको छ । जसले लेबनानसँग राज्यको पूर्ण कुटनीतिक सम्बन्धलाई जोड दिनेछ ।
बहराइन समाचार एजेन्सी (बीएनए) काअनुसार बहराइन अधिराज्यको आधिकारिक भ्रमणमा रहेका लेबनानी राष्ट्रपति जोसेफ आउनसँगको भेटमा यो घोषणा गरिएको हो । दुवै नेताले द्विपक्षीय सम्बन्धको समीक्षा गर्नुभयो ।
आर्थिक, सुरक्षा र राजनीतिक क्षेत्रमा सहयोग बढाउने तरिकाहरूबारे छलफल भएको छ । दुवै पक्षले आर्थिक विकास, सुरक्षा समन्वय र क्षेत्रीय स्थिरतामा द्विपक्षीय सहयोग बढाउन, आतंकवादसँग लड्न, व्यापार बढाउन र जारी क्षेत्रीय द्वन्द्वहरूको शान्तिपूर्ण समाधानलाई समर्थन गर्न संयुक्त प्रयास गर्ने प्रतिवद्धता व्यक्त गरेका छन् । लेबनानका पूर्वसूचना मन्त्री जर्ज कोर्दाहीले यमनको युद्धको बारेमा गरेको विवादास्पद टिप्पणीपछि अक्टोबर २०२१ मा बहराइनले बेरुतमा आफ्नो दुतावास बन्द गरेको थियो । जसमा खाडी सहयोग परिषद्का देशहरूले आपत्ति जनाएका थिए ।
