काठमाडौँ । प्रहरीले एक करोड ४४ लाख रुपैयाँसहित चिनियाँ नागरिकलाई पक्राउ गरेको छ ।
पक्राउ पर्नेमा ४० वर्षीय वाङ जियान रहेका छन् ।सोमबार बौद्धको नयाँबस्तीस्थित स्रोत नखुलेको आर्थिक कारोबार भइरहेको सूचनाको आधारमा जिल्ला प्रहरी परिसर काठमाडौंको टोलिले कारोबार गरेकै अवस्थामा उनलाई पक्राउ गरिएको हो ।
उनी स्वयम्भू भाडामा बस्दै आएका थिए । उनको साथबाट ईजी २२१६७१ नम्बरको चिनियाँ पासपोर्ट पनि बरामद गरिएको प्रहरीले जनाएको छ ।
