काठमाडाैंः नेकपा भित्रको अन्तरकलह र सम्भावित राजनीतिक परिस्थितिका बारेमा नेकपा अध्यक्ष पुष्पकमल दाहाल प्रचण्डले प्रधानमन्त्री एवं पार्टी अध्यक्ष केपी ओली निकट स्थायी समिति सदस्यहरुसंग छलफल गर्नुभएको छ ।
खुमलटारमास्थित दाहाल निवासमा भएको छलफलमा सहभागीहरुले पार्टी विभाजन उन्मुख भएको भन्दै दुई अध्यक्षको मन मिलेर पार्टी एकता भएको र यो समस्या पनि दुबै जनाले सम्बाद गरी मिलाउनु पर्ने सुझाव दिएका थिए ।
सबै एउटा डुंगामा सवार रहेको र डुंगा डुब्दा सबै जना डुबिने भन्दै नेताहरुले छलफल र सहमतिबाट समस्या समाधान गर्नु सुझाएका थिए । छलफलमा विष्णु पौडेल, ईश्वर पोखरेल, सुवासचन्द्र नेम्वाङ, प्रदीप ज्ञवाली, विष्णु रिमाल र शंकर पोखरेल लगायत जनार्दन शर्मा, नारायणकाजी श्रेष्ठ, मात्रिका यादव, हरिवोल गजुरेल र सुरेन्द्र पाण्डे सहभागी थिए ।
छलफलका क्रममा केही नेताले अध्यक्ष दाहाललाई पार्टीमा मतान्तर बढ्दै जाँदा तेश्रो पक्ष हाबी हुने तर्फ संकेत गर्दै त्यसपछि सिंहदरबारको यात्रा कठिन हुने सुनाएका थिए ।
हामी नमिल्दा तेश्रो शक्ति मौकाको खोजीमा छ, त्यसले सबैको टाउकोमा बजार्छ, अनि पछुताउनु बाहेकको विकल्प हुँदैन, ती नेतालाई अध्यक्ष दाहाललाई भने । साथै मतान्तर भएपनि नेतृत्वलाई खुइल्याउने हिसाबका गतिविधि भएको भन्दै त्यसलाई तत्काल रोक्नु पर्ने बारेमा पनि छलफल भएको थियो ।
पार्टीमा विवाद बढ्दै जाँदा सहमतिका लागि नेतृत्वलाई दवाव दिनुको सट्टा एक एर्का समूह प्रति छुद्र टिप्पणी र आलोचना बढ्दै भएको छ । आज पाँचौ दिन पनि जारी स्थायी समितिको बैठक प्रधानमन्त्रीको सरकारी निवास बालुवाटारमा बस्दैछ ।
