एजेन्सी । आइपीएल २०२५ को लिलामीमा बिहारका १४ वर्षीय वैभव सूर्यवंशीलाई राजस्थान रोयल्सले १.१ करोड रुपैयाँमा किनेको थियो । वैभवले लिलामीमा नै इतिहास रचे ।
उनी आईपीएल इतिहासकै सबैभन्दा कान्छा खेलाडी बने, जसमाथि यस सिजनमा सबैको नजर केन्द्रित थियो । राजस्थान रोयल्सका लागि आफ्नो डेब्यू खेलबाटै वैभवले ब्याटबाटै प्रभाव पार्दै सबैको मन जिते ।
लखनऊ सुपर जायन्ट्सविरुद्ध खेलिएको आफ्नो पहिलो खेलको पहिलो बलमा वैभवले छक्का प्रहार गर्दै विश्वलाई आफ्नो क्षमता देखाए ।
उनले आफ्नो डेब्यू खेलमा ३४ रन बनाए । यस सिजनको उनको उत्कृष्ट इनिङ गुजरात टाइटन्स विरुद्ध थियो, जब उनले ३८ बलमा १०१ रन बनाए ।
यसपछि, उनी अर्को दुई खेलमा शून्य रनमा आउट भए । तर ७ खेल खेल्दा उनले कुल २५२ रन बनाएर धेरै रेकर्ड तोडेका छन् । आइपीएल २०२५ मा वैभवले बनाएका ५ ठूला रेकर्डहरू जानौं ।
१. वैभव सूर्यवंशी आइपीएलको इतिहासमा सबैभन्दा कान्छा खेलाडी बनेका छन् । उनले १४ वर्षको उमेरमा डेब्यु गरेर इतिहास रचे ।
२. आईपीएलको इतिहासमा शतक प्रहार गर्ने सबैभन्दा कान्छो खेलाडीको रेकर्ड पनि वैभव सूर्यवंशीको नाममा छ । उनले गुजरात टाइटन्स विरुद्ध शतक बनाए ।
३. वैभवले गुजरात टाइटन्सविरुद्ध मात्र ३५ बलमा शतक प्रहार गर्दै आईपीएलमा सबैभन्दा छिटो शतक बनाउने भारतीय ब्याट्सम्यानको रेकर्ड पनि बनाए ।
४. वैभव सूर्यवंशी २० वर्षको उमेर नपुग्दै आईपीएलको एक सिजनमा सबैभन्दा धेरै छक्का प्रहार गर्ने ब्याट्सम्यान बनेका छन् । उनले जारी सिजनमा २४ छक्का प्रहार गरे ।
५. वैभवले आईपीएल इतिहासमा सबैभन्दा धेरै स्ट्राइक रेट (२०६.५६) को रेकर्ड पनि बनाए ।
यसका साथै, वैभवले आफ्नो आईपीएल डेब्यूको पहिलो बलमा छक्का प्रहार गरे ।
उनी एकै इनिङमा सबैभन्दा धेरै छक्का प्रहार गर्ने अनक्याप्ड खेलाडी पनि बने । यस मामिलामा उनले ९ छक्का प्रहार गर्ने इशान किशनको रेकर्ड तोडेका छन् ।
यस्तै, वैभव टी–२० इनिङमा केवल चौका प्रहार गर्दै ४० रन बनाउने सबैभन्दा कान्छा ब्याट्सम्यान बनेका छन् । यो रेकर्ड सायदै तोड्न सकिन्छ ।
