काठमाडौँ । राष्ट्रिय स्वतन्त्र पार्टीका कार्यवाहक सभापति डीपी अर्यालसँग गैरआवासीय नेपाली संघ अन्तर्राष्ट्रिय समन्वय परिषद् अध्यक्ष डा. बद्रि केसीसहितका पदाधिकारीहरूले आज (मंगलबार) संसदीय दलको कार्यालय सिंहदरबारमा भेटघाट तथा छलफल गरेका छन् ।
भेटघाटमा गैरआवासीय नेपाली नागरिकता, लगानीसम्बन्धी एनआरएन डेभलपमेन्ट फन्ड, वैदेशिक रोजगार तथा सामाजिक सुरक्षा, पर्यटन प्रवद्र्धन, संघमा देखिएका समस्यालगायतका विषयमा छलफल भएको थियो ।
कार्यवाहक सभापति अर्यालले गैरआवासीय नेपालीहरुले सरकारबाट पाउनुपर्ने सेवासुविधामा आफू सकारात्मक रहेको र नेपालमा पुँजी मात्रै होइन, सीपहरू पनि भित्र्याएर नेपालको विकासमा लगाउनुपर्ने धारणा राख्नुभयो ।
साथै एनआरएनले जुन उद्देश्य प्राप्तिका लागि स्थापना भएको हो सो उद्देश्य प्राप्तिका लागि लाग्नुपर्ने भन्दै एनआरएनएमा देखिएको आपसी विवाद समाधानका लागि आफ्नो तर्फबाट सहयोग र पहल गर्न तयार रहेको बताउनुभयो ।
