एजेन्सी । खतरों के खिलाडी १४ पछि अब असीम रियाजलाई टिभी रियालिटी शो ब्याटलग्राउन्डबाट पनि बाहिर निकाल्ने सम्भावना रहेको छ । केही समय अघि, उनको र रुबिना दिलाइकको कार्यक्रममा ठूलो झगडा भएको थियो । झगडा यति बढ्यो कि निर्माण टोलीले छायांकन बीचैमा नै रोकेको थियो । असीमलाई उनको व्यवहारका कारण ब्याटलग्राउन्डबाट बाहिर निकालिएको बताईएको छ ।
इन्डिया टुडेको अनुसार अप्रिल १६ मा सुटिङको क्रममा असिम रियाज र रुबिना दिलाइकबीच झगडा भएको थियो । सुरुमा यो सामान्य झगडा जस्तो देखिन्थ्यो, तर त्यसपछि झगडा बढ्दै गयो । रुबिना असिम र अभिषेक बीचको झगडा समाधान गर्न आएकी भए पनि असिमले झगडाको क्रममा रुबिनालाई गाली र अपमान गरे । झगडा बढ्दै गयो र सबैजना रिसाउँदै आ-आफ्नो भ्यानिटी भ्यानमा गए ।
निर्माताले असिमलाई सम्झाउन धेरै प्रयास गरेपनि उनी शान्त नभएको र उल्टै झगडा बढाएको बताईएको छ । यो झगडाले कार्यक्रमको निर्माणलाई पनि असर गर्यो र निर्माताहरूले कार्यक्रमको छायांकन नै रद्द गरे ।
रोहित शेट्टीसँग झगडापछि उनलाई खतरों के खिलाडीबाट पनि हटाइएको थियो
गत वर्ष असीम रियाजले खतरों के खिलाडी १४ मा प्रतियोगीको रूपमा भाग लिएका थिए ।असिम शोका एक बलियो प्रतिस्पर्धी थिए तर उनी शोको बीचमा नै बाहिरिए । रोमानियामा भएको छायांकनमा एउटा स्टन्ट शो पछि असिमको सह(प्रतियोगी शालिन भनोट र अभिषेक कुमारसँग ठूलो झगडा भयो।
झगडा यति बढ्यो कि झडपको अवस्था सिर्जना भयो । शोका होस्ट रोहित असिमलाई नियन्त्रण गर्न आउदा उनीसँग पनि दुर्व्यवहार गरेपछि असिमलाई शोबाट हटाइएको थियो ।
असिम रियाज बिग बोस १३ बाट चर्चा पाएका थिए। उक्त सिजनमा सिद्धार्थ शुक्लासँगको उनको मित्रता र झगडाको धेरै चर्चा भएको थियो । यो कार्यक्रम सिद्धार्थ शुक्लाले जितेका थिए भने असीम रियाज उपविजेता भएका थिए । यसपछि उनी धेरै संगीत एल्बमहरूमा पनि देखा परेका छन् ।
