काठमाडौं । राष्ट्रिय स्वतन्त्र पार्टीका सभापति रवि लामिछानेले पार्टी संरचनामा व्यापक परिवर्तन गर्ने तयारी गर्नुभएको छ ।
पार्टी केन्द्रीय समिति बैठकमा सभापति लामिछानेले सङ्गठनमा भारी रूपमा फेरबदल र पुनर्संरचनामा जान चाहेको जानकारी गराउनु भयो ।
उहाँले पुनर्संरचनाका लागि तयार रहन पार्टी नेताहरूलाई निर्देशन दिनुभएको छ । केन्द्रीय समिति बैठकमा उहाँले भन्नुभयो ‘सबैको लागि म सङ्गठनमा भारी रूपमा फेरबदल र पुनर्संरचनामा जान चाहन्छु यसको लागि सबैलाई तयार रहन भन्न चाहन्छु ।’
लामिछानेले अरु दलमा अवसर नपाएर मात्रै रास्वपामा आउने यो पार्टी नभएको बताउनु भयो ।
लामिछानेले आगामी बैशाखको तेस्रो साता पहिलो महाधिवेशन गर्ने गरी तयारी गर्न निर्देशन दिनुभएको छ ।
