काठमाडौँ । प्युठानमा एक दम्पतीको हत्यामा संलग्न रहेको आरोपमा प्रहरीले एक जनालाई पक्राउ गरेको छ ।
प्युठान माण्डवी गाउँपालिका–२ रातापानीमा ६० वर्षिय रामबहादुर परियार र उनकी श्रीमती ५६ वर्षीया हुकुमा परियारको हत्यामा संलग्न रहेको आरोपमा प्रहरीले भतिजा पर्ने बर्ष ३४ का पंकज परियारलाई पक्राउ गरेको हो ।
राति खाना खाएर सुतेका परियार दम्पती बिहान अबेरसम्म नउठेपछि छिमेकीहरूले प्रहरीलाई खबर गरेका थिए ।
सूचना प्राप्त भएपछि घटनास्थल पुगेका प्रहरीको टोलीले मृतक दम्पतीको शरीरमा चोट देखिएकाले घटना शंकास्पद रहेकोमा यसबारे अनुसन्धान थालेको थियो ।
प्रहरीले पक्राउ परेका परियारमाथि प्युठान जिल्ला अदालतबाट म्याद थप गरी अनुसन्धान गरिरहेको छ ।
