चितवन । त्रिशूली नदीमा खसेर बेपत्ता भएका रोहित रानाको शव नौ दिनपछि आज फेला परेको छ ।
फागुन २ गते नारायणगढ–मुग्लिन सडकखण्ड अन्तर्गत चितवनको इच्छाकामना गाउँपालिका–५ मा मोटरसाइकल दुर्घटनामा परी त्रिशूलीमा बेपत्ता भएका रानाको शव कालीखोला नजिकै फेला परेको प्रहरी कार्यालय मुग्लिनले जनाएको छ ।
आज बिहान त्रिशूलीमा तैरिरहेको अवस्थामा उनको शव फेला इलाका प्रहरी कार्यालय मुग्लिनका प्रहरी निरीक्ष निरला भण्डारीले बताए ।
चितवनको भरतपुर महानगरपालिका–१ रामपुर घर भएका २७ वर्षीय राना बा ००६–०२ प ९२०४ नम्बरको मोटरसाइकलमा काठमाडौं हिडेका थिए । इच्छाकामना गाउँपालिका–५ मा उनी सवार मोटरसाइकल सडकको डिभाइडरमा ठोक्किँदा उनी त्रिशूलीमा खसेका थिए ।
रानाको शव अहिले पोस्टमार्टमका लागि भरतपुर अस्पताल लगिएको प्रहरीले जनाएको छ ।
