एजेन्सी । मेलबर्न टेस्टमा यशस्वी जैसवालको विकेटमा थर्ड अम्पायरको निर्णयलाई लिएर विवाद भएको छ ।
चौथो टेस्टको अन्तिम दिन अष्ट्रेलियाका कप्तान प्याट कमिन्सले आफ्नै बलमा यशस्वीविरुद्ध क्याचको लागि अपिल गरेका थिए । ग्राउन्ड अम्पायरले नट आउट दिए पनि अष्ट्रेलियाले डीआरएस लियो र तेस्रो अम्पायरले यशस्वीलाई आउट घोषित गरे ।
डीआरएसमा, स्निको मिटरले बल ब्याटमा नलागेको र कुनै आवाज नरहेको देखायो । यसका बावजुद थर्ड अम्पायरले भिजुअल डिफ्लेक्शनको आधारमा यशस्वीलाई आउट घोषित गरे ।
यस निर्णयमा यशस्वीले ग्राउण्ड अम्पायरलाई प्रश्न पनि गरिएको थियो तर निर्णय परिवर्तन भएन । थर्ड अम्पायरले यस्तो निर्णय गरे जब भारत हारको खतरामा थियो र यशस्वीले ८४ रन बनाएर टोलीको नेतृत्व गरिरहेका थिए । यो निर्णयपछि मैदानमा उपस्थित भारतीय फ्यानहरूले ‘ठग–धोका’को नारा लगाएका थिए ।
गलत निर्णय–गावस्कर
खेलको क्रममा कमेन्टिङ गरिरहेका सुनिल गावस्करले भने, ‘तपाईले निर्णय लिँदा प्रविधिको प्रयोग गरिरहनुभएको छ, स्निको मिटरमा आउट नभएको स्पष्ट देखिन्थ्यो । यो पूर्णतया गलत निर्णय हो । तपाईंले धेरै तनावपूर्ण परिस्थितिमा तनावपूर्ण निर्णय दिनुभएको छ । अम्पायरले यशस्वी आउट भएको कुनै ठोस प्रमाण फेला पारेनन्, त्यसैले उनलाई आउट दिनु पूर्ण रूपमा गलत हो ।’
यशस्वी ७१ औं ओभरमा आउट भए । भारतको स्कोर ७ विकेटमा १४० रन थियो । त्यसपछिको ८ ओभरमा भारत १५५ रनमा अलआउट भयो । मेलबर्न टेस्टमा भारतीय टोली पराजित भएको छ । बोर्डर–गावस्कर ट्रफीमा ५ वटा टेष्ट म्याच खेलिने छन् । ४ टेष्टको सिरिजमा अस्ट्रेलिया २–१ ले अगाडि छ ।
