एजेन्सी । ह्यामिल्टन टेस्टमा न्युजिल्यान्डले इंग्ल्याण्डलाई ४२३ रनले पराजित गरेको छ । इंग्ल्याण्डमाथि रन अन्तरले जितेको न्युजिल्यान्डको यो सबैभन्दा ठूलो जित हो ।
तेस्रो टेष्टमा ६५८ रनको लक्ष्य पछ्याएको इंग्ल्याण्डले २३४ रन मात्रै बनाउन सक्यो । यद्यपि, इंग्ल्याण्डले ३ खेलको टेष्ट सिरिज २–१ ले जितेको छ । टोलीले पहिलो खेल ८ विकेटले र दोस्रो खेल ३२३ रनले जितेको थियो ।
मंगलबार सेडन पार्कमा भएको खेलको चौथो दिनको खेलमा इंग्ल्याण्डले १८/२ को स्कोरबाट खेल सुरु गरेको थियो । ज्याकब बिथेलले ७६ रन र जो रुटले ५४ रनको पारी खेले । जबकि गुस एटकिन्सनले ४३ रनको योगदान दिए ।
न्युजिल्याण्डका मिचेल सान्टनरले पहिलो इनिङ्समा ७६ रन बनाएर ३ विकेट लिए । उनले दोस्रो इनिङ्समा ४९ रन बनाए र ४ विकेट लिए । यही प्रदर्शनका लागि उनले प्लेयर अफ द म्याचको अवार्ड पाए । इंग्ल्याण्डका अलराउन्डर ह्यारी ब्रुक प्लेयर अफ द सिरिज घोषित भए ।
यो रनको अन्तरले न्युजिल्याण्डको सबैभन्दा ठूलो जित हो । यसअघि सन् २०१८ मा क्राइस्टचर्चमा टनेलिले श्रीलंकालाई ४२३ रनले पराजित गरेको थियो । यो टोलीको इंग्ल्याण्डविरुद्धको सबैभन्दा ठूलो जित हो ।
