राजधानीमा जारी नेपाल प्रिमियर लिग क्रिकेट अन्तर्गत अहिले जारी खेलमा लुम्बिनी लायन्सले कर्णाली याक्सलाइ १२८ रनमा रोकेको छ ।
कीर्तिपुरस्थित टीयू अन्तर्राष्ट्रिय मैदानमा टस हारेर पहिले ब्याटिङको निम्तो पाएको कर्णालीले निर्धारित २० ओभरमा ८ विकेट गुमाएर १२८ रन बनायो। कर्णालीका लागि विलियम बोसिस्टोले सर्वाधिक ४४ रन बनाए । यस्तै, अर्जुन घर्तीले २५ र बाबर हायतले २० रन बनाए ।
बलिङमा लुम्बिनीका लागि विकास आग्रीले ३ विकेट लिँदा तिलक भण्डारीले २ विकेट लिए ।
प्रतियोगिताबाट चाैथो स्थानको रेसबाट बाहिरिइ सकेको लुम्बिनीले कर्णाली याक्सलाइ सस्तैमा पभेलियन फर्काएको छ । यद्यपि कीर्तिपुरको सुस्त पिचमा लुम्बिनीलाइ पनि उक्त रन बनाउन फलामको च्यूरा चपाए सरह हुनेछ । अाजको खेल जितेमा कर्णाली याक्स प्लेअफको नजिक पुग्नेछ । त्यसर्थ कर्णालीका लागि यो खेल निकै महत्वपूर्ण छ ।
