काठमाडौँ । इंग्लिस प्रिमियर लिग फुटबलमा म्यान्चेस्टर युनाइटेडले हार ब्यहोरेको छ ।
गएराति भएको खेलमा युनाइटेड घरेलु मैदानमै नटिङहम फरेस्टसँग २–३ गोलले स्तब्ध बनेको हो ।
वल्ड्र ट्राफोर्डमा खेलको दोस्रो मिनेटमा नै निकोला मिलेन्कोभिचले गोल गर्दै नटिङहमलाई सुरुवाती अग्रता दिलाएका थिए , १८ औं मिनेटमा रासमस होलण्डले गोल गर्दै युनाइटेडलाई १–१ को बराबरीमा ल्याए ।
४७ औं मिनेटमा मोर्गन गिब्स ह्वाइटले तथा ५४ औं मिनेटमा क्रिस वुडले गोल गर्दा नटिङहम ३–१ गोलले अघि बढ्यो ।
६१ औं मिनेटमा ब्रुनो फर्नान्डेजले गोल गर्दै युनाइटेडलाई २–३ को अवस्थामा ल्याए । तर, त्यसपछि थप गोल हुन सकेन र युनाइटेड पराजित हुन पुग्यो ।
यो नतिजापछि नटिङहम १५ खेलबाट २५ अंकका साथ पाँचौं स्थानमा छ भने युनाइटेड १९ अंकका साथ १३ औं स्थानमा छ ।
